अछाममा नगरपालिकाको गाडी जलायो

0

जिल्लाकाे मङ्गलसैन नगरपालिकाको गाडीमा अज्ञात समूहले आगजनी गरेको छ । नगरपालिकाको बा२ झ ३६९४ नंको गाडीमा गएराति २ः१५ बजे आगजनी भएको प्रहरीले जनाएको छ ।

नगरपालिका परिसरमै पार्किङ गरी राखिएको गाडीमा आगजनी भएको खबर पाएलगत्तै नियन्त्रणका लागि प्रहरी टोली घटनास्थल पुगे पनि आगजनीबाट गाडी पूर्णरुपमा ध्वस्त भएको छ ।

आगो कसले र किन लगायो भन्ने खुलेको छैन । पार्किङ गरेर राखिएको गाडी योजनाबद्ध ढङ्गले आगजनी गरेको हुनसक्ने प्रमुख प्रशासकीय अधिकृत गणेश ढुङ्गानाले बताए ।

सोही ठाउँमा पार्किङमा राखिएको टिपरलगायत अन्य सरकारी गाडीलाई भने केही पनि गरिएको छैन ।

पदमबहादुर बोहरा चढ्ने उक्त गाडी नगरपालिकाले करिब एक वर्षअघि रु एक करोड २० लाखमा खरीद गरेको थियो ।

गाडीमा विप्लव समूहले आगजनी गरेको हुनसक्ने आशङ्कामा प्रहरीले खोजीकार्य तीव्र पारेको छ ।

जिल्ला प्रहरी कार्यालय, अछामका प्रहरी प्रमुख प्रहरी नायब उपरीक्षक जनकबहादुर शाहीले आगजनीमा संलग्नको खोजी भइरहेको बताए ।

Share.

About Author

Leave A Reply